La ley aplicable a la titularidad original de los derechos de propiedad intelectual sobre las obras creadas en el marco de una relación laboral

Esta monografía ten por obxecto a determinación da lei aplicable á titularidade orixinal dos dereitos de propiedade intelectual sobre unha obra creada no marco dunha relación laboral. Nela analízanse os argumentos que aconsellan a súa identificación a partir dunha conexión accesoria vinculada á lei reguladora do contrato de traballo, como é a lex laboris, ou facelo a partir da lei reguladora dos dereitos de propiedade intelectual, basicamente, a lex loci protectionis. E todo iso, a través dun estudo separado dos dereitos morais e patrimoniais de propiedade intelectual no contexto dunha relación laboral, en tanto que a súa diferente natureza pode aconsellar, así mesmo, unha resposta conflictual tamén diferenciada. A monografía analiza, con gran profusión de práctica xurisprudencial e apoiatura doutrinal, as distintas (e diverxentes) posicións normativas, prácticas e doutrinais sobre a materia, ocupándose, especialmente, da recepción no ordenamento xurídico español de normativas como o art. 11 (2) Copyright, Designs and Patent Act 1988 inglesa, o art. 7 LPI holandesa, ou a figura dos works made for hire da secc. 201.b, par. 17, Copyright Act 1976 americana, propias dos sistemas de copyright e estrañas á tradición na que se insire o dereito español.