USC EDITORA. VERBA ANEXOS
USC Editora é un selo comercial da Universidade de Santiago de Compostela, rexistrado como marca, creado en 2009 que, dentro de Edicións USC dá cabida a unha serie de publicacións financiadas total ou parcialmente pola editorial e, polo tanto, sometidas a un sistema propio de avaliación por pares externos á Universidade de Santiago de Compostela. O selo conta, ademais, cun elenco estable de editores internos, que someten os orixinais a unha avaliación previa. USC Editora garante o nivel dos traballos que se editan baixo a súa marca e constitúe un compromiso de calidade editorial. USC Editora é un selo certificado coa norma UNE-EN ISO 9001:2015 polo Rexistro de Empresa de AENOR.
USC Editora Verba Anexos abrangue monografías asinadas por un único autor, traballos de autoría en colaboración ou volumes que recollan resultados de coloquios ou simposios nos máis variados eidos da investigación lingüística, os mesmos ámbitos temáticos nos que se inscribe a revista Verba. Anuario Galego de Filoloxía.