Anexos Monográficos de Τέλος

A colección Anexos Monográficos de Τέλος conságrase á edición, preferentemente dixital, de obras e escritos clásicos ou contemporáneos da historia dos estudos utilitaristas que non terían cabida pola súa extensión na sección de «Traducciones e inéditos» de Τέλος. Revista Iberoamericana de Estudios Utilitaristas.
Principalmente incluirá edicións en castelán, galego ou portugués de obras e escritos de difícil acceso, publicadas orixinariamente en lingua inglesa. As traducións e edicións encomendaranse a destacados especialistas iberoamericanos nos estudos utilitaristas. A súa contorna de difusión preferente é o da comunidade iberoamericana de estudiosos do utilitarismo e en xeral o da comunidade internacional de scholars en Utilitarian Studies.
A colección ten os mesmos consello editorial e comité asesor que Τέλος. Revista Iberoamericana de Estudios Utilitaristas.
As solicitudes de publicación de orixinais nesta colección faranse chegar a telos.director@gmail.com. Nun prazo máximo de seis meses comunicarase ao proponente a decisión sobre a publicación do orixinal. Desde a comunicación desta decisión non poderán transcorrer máis de seis meses ata a publicación do orixinal en formato dixital.
Igual que no caso dos orixinais para Τέλος. Revista Iberoamericana de Estudios Utilitaristas, as propostas serán avaliadas nun proceso «dobre-cego» por dous especialistas seleccionados polo Consello de Redacción desta colección. A decisión final sobre a publicación tomarana os directores da colección á vista dos informes recibidos.