Jean Monnet Papers: Cultural Studies in European Integration

Jean Monnet Papers: Cultural Studies in European Integration é unha colección de libros electrónicos vencellada á Cátedra Jean Monnet «The Culture of European Integration» . A existencia dunha cultura común europea é un —se non o principal— dos alicerces da integración. O obxectivo básico da colección é reflexionar sobre o papel que a cultura ten desempeñado e debe continuar a desempeñar no proceso de integración.

Jean Monnet Papers: Cultural Studies in European Integration acolle traballos inéditos de investigación —de orientación académica ou ensaística— sobre a relación dialéctica entre a integración política da UE e as diversas manifestacións literarias, cinematográficas e/ou artísticas en xeral, con especial interese polos aspectos compartidos, pero tamén idiosincráticos, das comunidades que integran a UE ou aspiran a formar parte dela. A colección non establece restricións en termos de extensión máxima, sempre e cando os traballos respecten a coherencia propia dun estudo monográfico. Ler máis