Hipersuperficies con curvaturas principais constantes en variedades Kähler con curvatura seccional holomorfa constante

Unha hipersuperficie nunha variedade de Riemann ten curvaturas principais constantes se os autovalores do seu operador forma non dependen do punto. O problema de clasificar as hipersuperficies con curvaturas principais constantes no espazo proxectivo e hiperbólico complexo é un problema aberto. O campo de Hopf dunha hipersuperficie nunha variedade case complexa é o resultado de aplicar a estrutura case complexa da variedade sobre o campo normal da hipersuperficie. Neste traballo clasificamos as hipersuperficies con catro curvaturas principais no espazo proxectivo e hiperbólico complexo cuxo campo de Hopf proxecta de xeito non trivial sobre tres espazos de curvatura con dimensión un.