El tapiz humanista II: actas del XI Curso de Primavera IV Centenario de la Segunda Parte del Quijote, Lugo, 21-23 de abril de 2015

Ben cumprida unha década despois do primeiro Curso de Primavera cervantino celebrado na Facultade de Humanidades, volvemos a toma-la pluma para renovar aquel tributo conmemorativo, esta vez endereitado á Segunda Parte, cuxo cuarto centenario nos convocou en Lugo en abril de 2015. No noso ánimo estaba honra-la memoria do Enxeñoso cabaleiro don Quixote da Mancha con renovados bríos, propios de quen no cultivo das Humanidades loitan día a día en pro de quimeras aínda vixentes e que non se poden pasar por alto: ensinar, aprender, gozar das artes, soñar tempos mellores...