Biblioteca América Dixital

A Biblioteca América Dixital é unha colección de acceso aberto promovida polo Grupo de Investigación «HistAmérica» da Universidade de Santiago de Compostela (USC). Nace co obxectivo de estabelecer unha voz diferenciada dentro da edición universitaria española relativa a Latinoamérica e abrir novas vías para a difusión académica e científica. Está concibida como un espazo editorial aberto e dinámico, cientificamente rigoroso, con distintos niveis en canto á categoría académica das súas publicacións e perfís diversos en canto á natureza das obras: desde traballos inéditos froito de investigacións orixinais ata pezas documentais ou memorialísticas.