Memoria, género y educación - Memória, gênero e educação: investigaciones y cuestiones epistemológicas - pesquisas e questões epistemológicas

Memoria, género y educación. Investigaciones y cuestiones epistemológicas / Memória, gênero e educação. Pesquisas e questões epistemológicas é unha obra colectiva fundamentalmente orientada a un público especialista pero pensada para suscitar tamén a atención de lectoras e lectores con intereses máis xerais. Estas páxinas poñen o foco nunha perspectiva que vai para alén do ángulo meramente inter e transdisciplinar e incorpora visións que traspasan as fronteiras limitadas aos espazos territoriais. A cuestión da memoria exponse aquí desde unha óptica de xénero e de educación xa non só por razóns epistémicas en sentido estrito senón desde unha visión conxunta das diversas achegas, unha visión que configura a preocupación común pola condición de xénero como un punto clave baixo a óptica da memoria e o seu significado en contextos socioculturais diversos.