Introdución á dirección de recursos humanos

Esta unidade didáctica é a primeira das sete unidades didácticas de que consta a materia Dirección e Xestión de Recursos Humanos de segundo curso do Grao en Relacións Laborais e Recursos Humanos. Esta materia, de carácter obrigatorio, impártese no primeiro semestre e ten unha carga lectiva de seis créditos ECTS. Trátase dunha materia dirixida a recoñecer a importancia das persoas nas organizacións e desenvolver os coñecementos, as habilidades e as técnicas relacionadas coa súa xestión nun contexto organizativo. Esta unidade didáctica introduce o concepto de recursos humanos e da súa dirección, recolle a evolución histórica dos distintos sistemas de xestión de persoas nas organizacións e trata os obxectivos e procesos da dirección de recursos humanos. Así, constitúe unha unidade base para as consecutivas unidades didácticas que afondarán nos distintos procesos de dirección de recursos humanos.