Aprendizaxe e ensinanza da lectura en lingua inglesa

A presente unidade didáctica está dedicada á aprendizaxe-ensinanza da lectura en inglés como lingua estranxeira. Forma parte da materia Inglés: Comprensión e expresión escrita (G3141455), materia optativa de 4,5 créditos do 3º curso do Grao en Mestre de Educación Primaria (G3141V03) da Facultade de Ciencias da Educación da Universidade de Santiago de Compostela. A unidade didáctica céntrase en dúas cuestións independentes pero conectadas da comprensión escrita en inglés como lingua estranxeira. Por unha banda, o alumnado terá a oportunidade de practicar a súa competencia lectora en inglés. Por outra banda, a unidade tamén tratará as diferentes aproximacións á ensinanza da lectura do inglés como lingua estranxeira na Educación Primaria.