Técnicas de escritura da lingua inglesa: cartas

A presente unidade didáctica está dedicada á aprendizaxe de técnicas de escritura en inglés como lingua estranxeira, particularmente no relativo á escritura de cartas. Forma parte da materia Técnicas de Expresión Escrita en Lingua Inglesa (G5061321), materia obrigatoria de 6 créditos do 3º curso do Grao en Lingua e Literatura Inglesas (G5061V01) da Facultade de Filoloxía da Universidade de Santiago de Compostela. A unidade didáctica céntrase nas técnicas necesarias para redactar con éxito diferentes tipos de cartas coas que o alumnado poderá atoparse ao longo da súa vida. Do mesmo xeito, as técnicas que aprenderán os estudantes tamén poderán aplicarse á escritura doutro tipo de textos en formato electrónico, como os correos electrónicos.