A investigación comercial no márketing

A unidade didáctica A investigación comercial no márketing pertence á materia de Investigación Comercial do cuarto curso do Grao en Administración e Dirección de Empresas. A materia é obrigatoria e impártese no primeiro cuadrimestre cunha carga lectiva de 6 créditos ECTS. A materia Investigación Comercial recolle os contidos básicos que todo o alumnado que finalice o Grao en Administración e Dirección de Empresas debe coñecer para ser capaz de planificar, organizar e executar unha investigación de mercados completa. Esta unidade, a primeira das seis que conformarían a materia, recolle, en primeiro lugar, os fundamentos da necesidade de información para as empresas, por un lado, e por outro, os sistemas de información no márketing. En segundo lugar, introdúcese o concepto de investigación comercial, así como as súas características e as distintas aplicacións.