Una cebra en el agua: STEM en el aula

Una cebra na auga. STEM en el aula é unha iniciativa do grupo de investigación ACUIGEN do Departamento de Xenética da Facultade de Veterinaria de Lugo (USC) que se desenvolveu en 114 centros de educación secundaria de Galicia. O impulso principal do proxecto, financiado pola FECYT durante tres cursos académicos, foi o fomento de vocacións científicas no alumnado de secundaria, trasladando, para tal fin, o desenvolvemento dun proxecto científico real utilizando o peixe cebra, Danio rerio, como modelo de investigación. A fase experimental do proxecto consistiu na reprodución do peixe cebra nun acuario de laboratorio e a obtención de embrións para o seguimento do seu desenvolvemento nos primeiros días de vida, así como o control de distintos parámetros físico-químicos do acuario implicados no crecemento e reprodución do peixe. Este libro dixital recolle todos os elementos de deseño da experiencia, e o seu implementación na aula co obxectivo de que esta exitosa práctica de educación STEM, mediante o desenvolvemento dun proxecto de investigación real co peixe cebra, poida ser reproducida polo profesorado de ciencias nos distintos niveis educativos.