Dialectología digital del español

Este volume monográfico está formado por unha serie de traballos que presentan varias iniciativas actuais (atlas, bases de datos, proxectos de investigación) nas que o estudo da variación lingüística do español se compaxina coa aplicación de tecnoloxía dixital. Ofrécese unha visión plural sobre os tipos de recursos que están dispoñibles para os investigadores en lingua española ou para calquera persoa interesada en mellorar o seu coñecemento das variantes dialectais e sociolectais desta lingua. Cada artigo explora un dos recursos presentando aspectos da súa creación e evolución e, sobre todo, poñendo o énfase en como usalo para obter o máximo rendemento. Tódolos proxectos, atlas e bases de datos recollidos son representativos da relevancia que ten adquirida a dialectoloxía dixital ao longo dos últimos anos, amosan como se ten revolucionado o campo da dialectoloxía e trazan o camiño sobre o que, con toda probabilidade, transitarán os estudos de variación lingüística no futuro.