Discursos da reitoría (2014-2018)

O volume recolle unha escolma dos discursos e intervencións pronunciados por Juan Viaño, como reitor da Universidade de Santiago de Compostela, en distintos eventos de carácter oficial. Abranguen o período comprendido entre a súa toma de posesión o día 9 de xuño de 2014 e o acto de fin de mandato o día 6 de xuño de 2018, aínda que se inclúen tamén dúas intervencións posteriores a esa data, pero ligadas directamente coa figura do reitor, e algunhas colaboracións escritas nos medios de prensa.