Esplancnoloxía I: aparellos circulatorio e respiratorio

A unidade didáctica «Esplancnoloxía I: aparellos circulatorio e respiratorio» está incluída na materia anatomía humana (6 ECTS), que se imparte no primeiro curso do grao en Enfermaría na Universidade de Santiago de Compostela, ao longo do primeiro semestre. Esta unidade é a segunda das catro unidades didácticas nas que se divide a materia. Cúrsase unha vez que o alumnado xa ten unha visión xeral e introdutoria da estrutura e organización do corpo humano. Nela estúdase a anatomía descritiva e funcional dos aparellos circulatorio e respiratorio. Organízase en 6 temas, que están deseñados para ser desenvolvidos en 5 sesións expositivas de 50 min cada unha delas, e 2 sesións interactivas (1 seminario e 1 práctica de laboratorio) de 2 horas cada unha delas.