Caracterización interferométrica de elementos de fase mediante o algoritmo de catro saltos

A presente unidade didáctica céntrase na análise interferométrica de elementos de fase, que son aqueles que modifican a fase pero non a amplitude do campo óptico que se propaga a través deles. Mediante un interferómetro de tipo Mach-Zehnder é posible, superpoñendo os campos ópticos de referencia e obxecto, obter a fase do elemento a través do algoritmo de catro saltos. Este consiste en introducir saltos de fase controlados nun dos brazos do interferómetro coa fin de ser capaces de despexar a fase, a cal se procesa posteriormente de forma computacional.