A cultura da converxencia: contexto comunicativo e mediático

A unidade didáctica A cultura da converxencia. Contexto comunicativo e mediático, da materia novos formatos e cibercultura, é a primeira dun total de catro bloques temáticos que compoñen a materia. Como unidade introdutoria, nela trabállanse conceptos clave como o da cultura da converxencia, a cibercultura, a intelixencia colectiva, as multitudes intelixentes ou o prosumidor, que son fundamentais para comprender as condicións do contexto comunicativo e mediático no que se desenvolve a produción e a difusión de produtos culturais na época actual.