Aplicación dos novos marcadores xenéticos á xenética forense: a predición de ancestralidade bio-xeográfica

Esta unidade didáctica refírese á aplicación dos novos marcadores xenéticos á xenética forense, coa finalidade específica da predición de ancestralidade bio-xeográfica. As metodoloxías de predición de ancestralidade bio-xeográfica encádranse na denominada «intelixencia de ADN», que permite achegar pistas que guíen as investigacións policiais en casos non resoltos, realizando inferencias sobre os doantes dun vestixio biolóxico a partir do propio vestixio.