O teatro de Lope de Vega

Esta sétima unidade da materia «Literatura española do século XVII: teatro e prosa» afonda na obra dramática de Lope de Vega, iniciador da «comedia nueva» e, polo tanto, da renovación teatral que marcou un antes e un despois na historia deste xénero nos países de fala hispana. Unha vez establecidos os conceptos e postulados teóricos máis relevantes con respecto ao teatro barroco, en particular os que Lope expón na súa peculiar poética dramática Arte nuevo de hacer comedias (1609), examínase a produción concreta deste autor. Con esa fin, analízanse dúas comedias paradigmáticas, Fuente Ovejuna e El caballero de Olmedo, atendendo á súa xénese e publicación; aos seus temas e trazos fundamentais; e á súa interpretación e recepción ao longo da historia, incluíndo a visualización de diversas postas en escena de carácter recente.