Dereito urbanístico

A presente unidade didáctica forma parte da materia lexislación medioambiental e ordenación do territorio impartida no primeiro cuadrimestre do segundo curso do grao en Xeografía e Ordenación do Territorio. Consiste nunha introdución ao dereito urbanístico adaptada a estudantes de ensinanzas non xurídicas. A unidade comprende unha serie de contidos esenciais para o desenvolvemento das competencias que require a materia e ofrece unha aproximación aos fundamentos teóricos e aos conceptos elementais dos sistemas urbanos e a súa regulación.