Aplicación das novas tecnoloxías á xenética forense: a secuenciación masiva en paralelo

O emprego das novas tecnoloxías de secuenciación no campo da xenética forense é unha tendencia que aumenta a cada ano, e cada vez hai máis laboratorios forenses que dispoñen dunha plataforma de secuenciación de nova xeración de xeito que o coñecemento, tanto do seu funcionamento como do fluxo de traballo, é imprescindible para poder traballar con este tipo de instrumentos. Nesta unidade didáctica explicaranse os fundamentos dos secuenciadores de nova xeración e darase unha visión xeral do proceso de traballo e das súas aplicacións no ámbito da xenética forense.