Outro lustro de libros en galego para a nenez e a mocidade (2015-2020)

Este volume amplía e completa os anteriormente publicados Libros galegos de onte e hoxe para a nenez e a mocidade (2015) e Libros en galego de onte e hoxe para a nenez e a mocidade (2015), dentro da colección «Materiais didácticos» do Instituto de Ciencias da Educación (Universidade de Santiago de Compostela). Acolle as recensións críticas e divulgativas que un grupo de especialistas en Literatura Infantil e Xuvenil, comandados pola profesora e investigadora Blanca-Ana Roig Rechou, realizaron dunha selección de obras galegas e traducidas ao galego dese sistema literario, que se caracteriza fundamentalmente por se dirixir aos máis novos. Todas elas foron publicadas durante un lustro, dende o 5 de maio de 2015 até o  22 de abril de 2020 nunha páxina semanal  sobre Literatura Infantil e Xuvenil que acolleu o xornal diario compostelán El Correo Gallego, na sección «Elos de Lectura».