Dereito procesual penal: o Ministerio Fiscal

O Ministerio Fiscal é un órgano do Estado de relevancia constitucional con personalidade xurídica propia que, de conformidade co salientado no artigo 124 da Constitución española (CE), debe promover a acción da xustiza en defensa da legalidade, dos dereitos das cidadás e dos cidadáns e do interese público protexido pola lei —a solicitude das persoas interesadas ou de oficio—, así como velar pola independencia dos órganos xurisdicionais e procurar perante estes a satisfacción do interese social.