Historia de Roma: sociedade

Unha serie de trazos caracterizan a sociedade romana ao longo da súa historia, malia que co paso do tempo se producirán cambios e se flexibilizarán os grupos. Trátase dunha sociedade xentilicia, censual e xerárquica; é dicir, a familia e a riqueza determinan a posición que ocupan os individuos, establecida de maneira ríxida. Ademais, hai unha distinción esencial entre poboación libre e non libre, así como entre as persoas que gozan da cidadanía romana e as que non.