Análise térmica: métodos calorimétricos. Calorimetría diferencial de varrido (DSC)

A calorimetría é unha parte da termodinámica que comprende unha serie de técnicas que permiten determinar a calor asociada a procesos físicos, químicos ou biolóxicos e ten especial relevancia en estudos científicos e tecnolóxicos. Unha das técnicas calorimétricas e de análise térmica máis usadas é a calorimetría diferencial de varrido (do inglés DSC) na cal se mide o fluxo de calor, liberado ou absorbido, dunha mostra en función dunha temperatura ou tempo programados.