Configuracións electrónicas de átomos e ións: relación con algunhas das súas propiedades

O coñecemento da configuración electrónica dun átomo, tanto en estado neutro coma en calquera forma iónica, é crucial para comprendermos aspectos tan fundamentais da súa química como o seu comportamento redox, o seu comportamento magnético, ou a súa interacción coa radiación electromagnética, responsable dos seus espectros atómicos característicos, ou de propiedades como a cor.  A configuración electrónica depende basicamente de factores enerxéticos de diversos tipos.