Variables aleatorias continuas

A presente unidade didáctica é a terceira das unidades que conforman o Bloque II. Teoría da Probabilidade. A través do seu desenvolvemento preténdese transmitir ao alumnado conceptos básicos como o de variable aleatoria continua, función de densidade, función de distribución, así como introducir as principais medidas características e o seu cálculo. Tamén se verán os principais modelos de distribucións continuas: uniforme, normal, exponencial e gamma, e as relacións de aproximación entre algún deles e os vistos na unidade didáctica previa.