Andalucía en su paisaje lingüístico: lenguas, signos y hablantes

Este monográfico preséntase como unha das contribucións científicas máis recentes no ámbito da paisaxe lingüística hispana; deriva do proxecto «Paisaje lingüístico andaluz: evaluación y observación cartográfica» PLANEO (P20-00640; Plan Andaluz de Investigación, Desarrollo e Innovación). Nel recóllense un total de sete traballos de investigación centrados nas manifestacións lingüísticas en contornas urbanas de distintas provincias da comunidade autónoma de Andalucía e nos que o lector poderá observar unha metodoloxía similar, aplicada por distintos autores e desde diferentes perspectivas (contrastiva, histórica, sociolectal). Leccións de historia urbana, historia da lingua, lingüística da inmigración ou análise do discurso son extraídas deste conxunto de páxinas baseadas na observación do presente plurilingüe dun territorio sen lingua cooficial, pero con retos educativos, integradores e de mobilidade propios dun espazo humanamente plural e en continuo cambio.