Enxeñaría Electrónica de Telecomunicación

A escasa presenza de mulleres nos estudos de Enxeñaría Electrónica pon de manifesto a importancia de analizar os estereotipos de xénero presentes na sociedade que incentivan e manteñen esta diferenza de vocacións, e de ponderar as vantaxes que tería de se reverter a situación. A guía para unha docencia universitaria con perspectiva de xénero de Enxeñaría Electrónica de Telecomunicación fornece de propostas, exemplos de boas prácticas, recursos docentes e ferramentas de consulta para incorporar a perspectiva de xénero nunha disciplina que ten un impacto total na sociedade da información actual.