A análise das Políticas Públicas

Esta unidade didáctica pertence á materia Políticas Públicas, correspondente ao segundo curso do grao en Ciencia Política e da Administración. Nesta unidade preséntase unha introdución á análise de Políticas Públicas ao alumnado a través tanto de ofrecer as nocións básicas que fundamentan este tipo de análise como dunha primeira aproximación aos elementos centrais nos que se estrutura unha análise de Políticas Públicas nos que se afondará en unidades didácticas posteriores (é dicir, a definición de problemas públicos, o proceso de decisión pública e o deseño, implementación e avaliación das Políticas Públicas).