As escritoras románticas: a Baronesa de Wilson

Esta novena unidade da materia «Literatura Española: Ilustración y Romanticismo» profundiza no rol da muller escritora no Romanticismo e céntrase na figura chave, aínda que descoñecida, de Emilia Serrano, tamén coñecida como Baronesa de Wilson. Aténdese ó respaldo arquivístico e documental que é preciso para recuperar este tipo de figuras silenciadas pola historiografía clásica; préstase especial atención ó papel da muller escritora no século XIX e indágase na construción dunha figura pública por parte de Emilia Serrano: atendendo á creación de redes transnacionais, á súa participación coa prensa (tanto na súa creación como colaboración) e ó seu rol como escritora.