Cría e saúde animal: avicultura. Análise de restos de incubadora

No sector da avicultura é habitual o manexo de incubadoras para obter poliños —que producirán polos de carne comerciais— e poliñas —que darán en galiñas poñedoras—. No manexo das incubadoras é prioritario saber como elixir os ovos para mellorar a súa incubabilidade. Tamén é de grande utilidade analizar os restos de ovos que non deron lugar a poliños viables, para obter información que axude a corrixir erros de manexo que afectan á incubación.