Química: equilibrios redox e electroquímica

As reaccións de transferencia de electróns son normalmente chamadas reaccións de oxidación e redución ou simplemente reaccións redox. Este é un dos tipos de reaccións químicas máis numerosos que se poden atopar. Baixo ese termo escóndese un amplísimo número de procesos químicos, cuxa importancia é innegable. Os devanditos procesos abarcan aspectos tan variados como a combustión, a obtención industrial dos metais, a corrosión dos metais, a obtención de enerxía eléctrica en pilas e acumuladores, as conservas alimentarias e un amplo número de procesos máis.