Dixitalidade(s) e tecnoloxía(s) nos ámbitos literarios, culturais e lingüísticos

A(s) tecnoloxía(s) e diversas formas de dixitalidade forman parte inseparable da vida académica contemporánea, tanto en termos de docencia como de investigación. Inflúen, e mesmo modulan, os ámbitos propios da filoloxía: literarios, culturais e lingüísticos. No marco do programa «Converxencias» da Facultade de Filoloxía ‒celebradas os días 20, 21 e 22 de novembro de 2023‒ abriuse un espazo de reflexión sobre o camiño percorrido e as liñas futuras da comunicación dixital como novo paradigma da docencia, da investigación e da cultura. Das reflexións e debates aí suscitados dan conta estas páxinas.