Perspectivas emerxentes nos estudos da lingüística

O volume recolle unha selección de traballos presentados no XXVIII Congreso da Asociación de Jóvenes Lingüistas, celebrado na Universidade de Santiago de Compostela en outubro de 2024. Este encontro internacional reuniu mozos investigadores de diversas procedencias e linguas, ofrecendo un espazo de diálogo académico centrado na pluralidade e na innovación nos estudos lingüísticos. A publicación, resultado dun rigoroso proceso de revisión, dá visibilidade ás achegas orixinais da nova xeración de lingüistas e reflicte a diversidade temática, metodolóxica e teórica da disciplina, ao tempo que contribúe ao fortalecemento das redes investigadoras e á proxección da mocidade científica.