Patoloxía animal: hematoloxía. Estudo dos glóbulos vermellos

Un hemograma completo inclúe o exame cuantitativo e cualitativo de todas as células sanguíneas. O valor máis empregado en medicina veterinaria para a estimación cuantitativa dos glóbulos vermellos ou eritrocitos é o do hematócrito, o cal pode obterse de forma manual (microhematócrito) ou automática (contador automático de hematoloxía). O estudo cualitativo, imprescindible en todos os casos, realízase a través do exame do frotis sanguíneo.