Cartas de Alejandra Murguía de Castro a Ángela Santamarina (1916-1925)

A publicación deste epistolario constitúe un ilusionante inicio para a nova Biblioteca da Cátedra Rosalía de Castro. Trátase dun conxunto de cartas da primoxénita do matrimonio Murguía-Castro escritas no arco histórico que se estende entre os preliminares da Revolución Rusa e a ditadura de Primo de Rivera, un testemuño moi elocuente da pervivencia dun legado familiar construído no século XIX e que aínda nos interpela.