Esquecidas pola historia: as mulleres compostelás entre finais do século XIX e o primeiro tercio do XX

Conteñen estas páxinas uns retallos da historia da muller compostelá, a través de varios campos temáticos: o demográfico, o económico, o social e o político. Tal vez haxa máis ausencias que presencias: pero en descargo da nosa conciencia vaia o desexo de transmitir algo dese papel "anónimo" que xogaron as mulleres compostelás na confección da súa historia comtemporánea. Tarefa nada doada, precisamente por mor desa presencia/ausencia da muller nas distintas esferas da vida dunha pequena cidade carente do dinamismo socioeconómico que presentan outros núcleos urbanos. Con todo, coidamos que esa "invisibilidade" das mulleres compostelás fíxose máis pequena e mesmo merecen ter un lugar na historia.