A diversidade da innovación: Unha perspectiva sectorial

De modo xeral, os patróns de innovación téñense caracterizado historicamente pola complexidade, reflexo da natureza heteroxénea na actividade económica e da diversidade do proceso de creación de coñecemento ao longo dos sectores e dos países. A intención desta obra colectiva é, máis que aprehender todo o que pode considerarse innovación, ilustrar a diversidade da súa natureza e expresións e, xa que logo, a necesidade de esforzos individuais e colectivos particularizados para o seu desenvolvemento e/ou promoción.