Espazo e luz envoltos en pedra: A rehabilitación do edificio histórico de Mazarelos como Facultade de Filosofía

O presente libro, ademais de desenvolver a orixe e vicisitudes do edificio histórico da praza de Mazarelos, proporciona unha cumprida memoria técnica e visual da súa recente rehabilitación. A carón das vellas murallas da cidade, despois da denominada "obra vieja", na que as casas alí plantadas adicáronse a escola de Gramática, chega no século XVIII, baixo a férula do arcebispo Yermo, a construción da "obra nueva" orixinalmente concibida como "Casa de Ejercitantes" e executada en dúas fase por arquitectos tan destacados como Simón Rodríguez e Miguel Ferro Caaveiro. Despois de diversos usos no século XX, nomeadamente os de Instituto de Bacharelato e, dende 1975, Facultade de Filoloxía, decidiuse no abrente do século XXI consagrar o edificio aos estudos universitarios de Filosofía, encomendándose o labor de rehabilitación ao arquitecto Julián Morenas Aydillo