Sementar os ares novos: homenaxe da Universidade de Santiago de Compostela a Francisco Fernández del Riego

O ano 2013 cúmprese o centenario do nacemento de Francisco Fernández del Riego e o octoxésimo aniversario do discurso La Universidad Gallega ante el momento actual, que pronunciou como representante do estudantado na inauguración do curso 1933-1934. 'Don Paco' foi un sobranceiro universitario, primeiro como estudante e máis tarde como docente, aínda que viu tronzada a súa carreira despois do alzamento militar de 1936. Para homenaxear o seu antigo alumno e profesor, a Universidade de Santiago de Compostela, a través da Vicerreitoría de Estudantes, Cultura e Formación Continua, promove a publicación de 'Sementar os ares novos', que incorpora a reprodución facsímile do devandito discurso.