Ser inmigrante en tempos de crise: unha ollada multidisciplinar

Achegamento ao fenómeno da inmigración en Galicia e en España dende unha mirada múltiple (o dereito, a socioloxía, a economía, a lingüística...). O libro componse de sete contribucións que tratan a repercusión económica dos inmigrantes nas sociedades de partida e de acollida, a limitación de dereitos sanitarios, a relación entre o concepto de 'cidadanía' nas democracias contemporáneas e a condición de inmigrante, a explotación de mulleres inmigrantes para a prostitución, ou a repercusión da inmigración na diversidade lingüística e cultural do Estado.