Educación, género y dinámicas sociales diversas en el contexto transnacional / Education, gender and diverse social processes in the transnational context

Educación, género y dinámicas sociales diversas en el contexto transnacional / Education, gender and diverse social processes in the transnational context é unha monografía colectiva dirixida a unha temática, como o título convida a intuír, sumamente complexa, á cal orientaron as súas investigacións e puntos de vista autoras de contextos socioculturais diversos e cun abano amplo de proxectos. O resultado faise accesible nestas páxinas tanto para un público especialista como para lectoras e lectores do ámbito xeral, alén do campo de coñecemento específico dos estudos das mulleres e de xénero. A visión conxunta das diversas achegas deste libro perfila claramente unha preocupación común: a educación como punto clave cando se observa desde a constitución das identidades de xénero, con especial énfase na relevancia concedida ás accións e políticas públicas no tocante á igualdade de xénero.