Perspectiva de xénero na docencia universitaria. IV Xornada Universitaria Galega en Xénero, Santiago de Compostela, 15 de xullo de 2016

Tras unha primeira etapa de percorrido polas tres universidades galegas centrada en distintas temáticas de investigación en xénero, neste libro recollemos as comunicacións presentadas na cuarta edición da Xornada Universitaria Galega en Xénero —celebrada en Santiago de Compostela baixo o lema «Perspectiva de xénero na docencia universitaria»— centrada na reflexión sobre a extensión da incorporación da perspectiva de xénero na docencia universitaria e aberta ao persoal docente investigador de fóra do ámbito do sistema universitario galego.