Infinite Rural Systems in a Finite Planet: Bridging Gaps towards Sustainability

Este volume reúne unha colección de 61 artigos breves que abordan as complexas transicións vividas polos sistemas rurais na súa procura da sustentabilidade en todo o mundo. Os textos agrúpanse en seis grandes temas, co obxectivo de tender pontes entre distintas posturas identificadas en debates académicos previos. As investigacións recollidas neste libro foron presentadas no XXVI Coloquio da Comisión para a Sustentabilidade dos Sistemas Rurais da Unión Xeográfica Internacional, celebrado en 2018. Todos os artigos, publicados en catro idiomas diferentes, pasaron por un proceso de revisión e avaliación por pares, en réxime de dobre cego, por un comité científico formado por 28 académicos internacionais.