El legado científico de las Fuerzas Armadas en Galicia y de los gallegos pertenecientes a las Fuerzas Armadas

Este libro dixital pon o foco no labor científico desenvolvido por galegos membros do estamento militar e, tamén, o realizado en Galicia, malia non teren os seus protagonistas orixe galega. Pretende, por unha banda, difundir e poñer en valor a traxectoria científica de persoeiros nados en terras galegas que prestaron servizos ou se formaron no ámbito militar e, por outra, recoñecer o desenvolvemento experimentado en Galicia alí onde asentaron institucións militares que contribuíron ao seu progreso cultural, científico e tamén económico. A obra deriva das exposicións públicas promovidas e organizadas en 2018 e 2019 polos propios autores e financiadas polo Ministerio de Defensa nas convocatorias de Cultura en Defensa de 2018 (expediente 130-10237) e 2019 (expediente 130-14189).