Estructura local de superficies para-Kähler con tensor de Bochner nulo

O obxectivo desta memoria é dar unha descrición local das superficies para-Kähler con tensor de Bochner nulo. Partindo do feito de que a estrutura subxacente a una variedade para-Kähler é a dunha variedade de Walker, chegarase a que as superficies para-Kähler Bochner chás son localmente isométricas ó fibrado cotanxente de certas superficies afíns equipado cunha extensión de Riemann modificada determinada por un campo de vectores X, un campo de tensores T de tipo (1,1) e un campo de tensores simétrico Φ de tipo (0,2) sobre a superficie afín.