Problemáticas na familia da persoa con discapacidade

A figura profesional do educador e da educadora social é especialmente importante no campo das discapacidades. Dentro da materia acción socioeducativa nas discapacidades, a presente unidade didáctica céntrase nas distintas problemáticas que poden darse na familia dunha persoa con diversidade funcional. A familia constitúe un sistema aberto, cunhas funcións e tarefas básicas que favorecen o desenvolvemento da socialización dos seus membros. Ademais, no caso das persoas con capacidades diversas a familia é o primeiro e máis importante elemento de acollida.