CineFilo: caderno de bitácora 2022-2024

CineFilo é un proxecto colaborativo da Facultade de Filoloxía da Universidade de Santiago de Compostela que nace e se desenvolve cun obxectivo claro: recuperar o núcleo social e colectivo da comunicación para que esta non sexa, sobre todo no ámbito universitario, un mero intercambio de información, un medio, senón mediación, un conversar e compartir xuntos a palabra —neste caso— do cinema. Este caderno de bitácora é boa mostra e fiel testemuño do traballo diverso e común realizado durante os dous anos de percorrido do proxecto, desde a súa creación en novembro de 2022. Incorpora textos tanto das persoas convidadas que tiveron a ben participar como de profesores e estudantes que for­maron ou forman actualmente parte de CineFilo.